പേരമ്പ്ര ബൈപാസ്സ്‌ അലൈന്‍ മെണ്റ്റ്‌ അട്ടിമറിക്കുന്നതിനെതിരെ ബഹുജന റാലിയും സമര സമ്മേളനവും പ്രശ്സ്ത്‌ സമര നായകന്‍ ഓടാനവട്ടം വിജയ പ്രകാശ്‌ ഉദ്ഘാടനം ചെയ്യുന്നു.
Monday, November 16, 2009
"ഞെളിയന്‍പറമ്പ്‌ : അധികൃതര്‍ക്ക്‌ താക്കീതായി സോളിഡാരിറ്റി മാര്‍ച്ച്‌ "
കോരിച്ചൊരിയുന്ന മഴപോലും അവഗണിച്ച്‌ നൂറുകണക്കിനു പേര്‍ അണിനിരന്ന സമര പ്രകടനം അധികൃതര്‍ക്ക്‌ താക്കീതായി. ഒരു ദേശത്തെ തീരാദുരിതത്തിലേക്ക്‌ തള്ളിവിട്ട ഞെളിയന്‍പറമ്പ്‌ പ്രശ്നം പരിഹരിച്ചേ പറ്റൂ എന്നാവശ്യപ്പെട്ട്‌ സോളിഡാരിറ്റി ജില്ലാ കമ്മിറ്റിയാണ്‌ മാര്‍ച്ച്‌ സംഘടിപ്പിച്ചത്‌. തുടര്‍ന്ന്‌ നടന്ന സമരസമ്മേളനം വിവിധ സമര നായകരുടെ വിജയഗാഥയുടെ വിളംബരമായി. പതിറ്റാണ്ടുകളായി ദുരിതം പേറുന്ന ഞെളിയന്‍പറമ്പ്‌ പ്രശ്നത്തില്‍ അധികൃതരുടെ മൌനം ദുരൂഹമാണെന്ന്‌ സമരക്കാര്‍ ആരോപിച്ചു. കോര്‍പ്പറേഷണ്റ്റെ നടപടി എന്ത്‌ വില കൊടുത്തും ചെറുക്കുമെന്നും ഇവര്‍ മുന്നറിയിപ്പ്‌ നല്‍കി. ശനിയാഴ്ച്ച വൈകീട്ട്‌ അരീക്കാട്‌ ജംഗ്ഷനില്‍ നിന്നാരംഭിച്ച പ്രകടനം റഹ്മാന്‍ബസാര്‍ വഴി മോഡേണ്‍ ബസാറിലെത്തി. വൈകീട്ട്‌ പെയ്ത ശക്തമായ മഴ വക വെക്കാതെ ജില്ലയിലെ വിവിധ ഭാഗങ്ങളില്‍ നിന്നെതിയ നൂറുകണക്കിനാളുകള്‍ പ്രകടനത്തില്‍ പങ്ക്കൊണ്ടു. തുടര്‍ന്ന്‌ നടന്ന സമര സമ്മേളനം പ്രമുഖ പരിസ്ഥിതി പ്രവര്‍ത്തകന്‍ കല്ലേല്‍ പൊക്കുടന്‍ ഉദ്ഘാടനം ചെയ്തു. ചെറുവണ്ണൂറ്‍ ഗ്രാമ പഞ്ചായത്തും കോര്‍പ്പറേഷനും ചേര്‍ന്നുള്ള ഒത്തുകളിയാണ്‌ ഞെളിയന്‍പറമ്പ്‌ പ്രശ്നത്തിന്‌ കാരണമെന്ന്‌ അദ്ദേഹം പറഞ്ഞു. ഈ സമരം പൊളിക്കാന്‍ പല ശ്രമങ്ങളും നടക്കുന്നുണ്ട്‌. ഇവര്‍ എക്കാലവും കസേരകളില്‍ ഇരിക്കുമെന്ന്‌ ധരിക്കേണ്ട. ചെങ്ങറയിലും പ്ളാച്ചിമടയിലും സമരത്തിലേര്‍പ്പെട്ടവര്‍ തന്നെയാണ്‌ ഈ സമരത്തിണ്റ്റെയും ആളുകള്‍. സമരം തോറ്റ ചരിത്രം ഉണ്ടായിട്ടില്ലെന്ന കാര്യംകൂടി അധികൃതര്‍ അറിയണമെന്നും അദ്ദേഹം മുന്നറിയിപ്പ്‌ നല്‍കി. ഞെളിയന്‍പറമ്പ്‌ പ്രശ്നം പരിഹരിച്ചില്ലെങ്കില്‍ ബാലറ്റ്പ്പെട്ടി ആയുധമാക്കി തിരിച്ചടിക്കുമെന്ന്‌ അദ്ധ്യക്ഷത വഹിച്ച സോളിഡാരിറ്റി ജില്ലാ പ്രസിഡണ്റ്റ്‌ കെ.വി. അബ്ദുറസാഖ്‌ പാലേരി പറഞ്ഞു. സമരം വിജയിക്കുന്നത്‌വരെ സോളിഡാരിറ്റി ഒപ്പമുണ്ടാവുമെന്നും അദ്ദേഹം കൂട്ടിച്ചേര്‍ത്തു. പ്ളാച്ചിമട സമരസമിതി കവീനര്‍ വിളയോടി വേണുഗോപാല്‍, സോളിഡാരിറ്റി സംസ്ഥാന ജനറല്‍ സെക്രട്ടറി എം. സാജിദ്‌, കബിത മുഖോപാധ്യായ, കെ.പി.രാമനുണ്ണി, ഓടാനവട്ടം വിജയപ്രകാശ്‌, എസ്‌.ഐ.ഒ.ജില്ലാ പ്രസിഡണ്റ്റ്‌ കെ.പി.സലാം, മുക്കത്തെ കുത്തകവിരുദ്ധ സമര സമിതി ചെയര്‍മാന്‍ വി.കുഞ്ഞാലി, ജമാഅത്തെ ഇസ്ളാമി ജില്ലാ പ്രസിഡണ്റ്റ്‌ പി.സി.ബഷീര്‍, കെ.മുഹമ്മദ്‌ നജീബ്‌, ഞെളിയന്‍പറമ്പ്‌ സമരമുന്നണി ഭാരവാഹി വി.ടി.ബിജു, സലീം മമ്പാട്‌ എിവര്‍ സംസാരിച്ചു. ജില്ലാ ജനറല്‍ സെക്രട്ടറി ടി.കെ.ജുമാന്‍ സ്വാഗതവും നബീല്‍ ചാലിയം നന്ദിയും പറഞ്ഞു.
Sunday, November 8, 2009
നാദാപുരം സംഘര്‍ഷം ഒഴിവാക്കാന്‍ ലീഗും സി.പി. എമ്മും ക്രിമിനലുകളെ കൈയൊഴിയണം- സോളിഡാരിറ്റി
നാദാപുരത്ത്‌ മുസ്ളീം ലീഗിണ്റ്റെയും സി.പി.എമ്മിണ്റ്റെയും മറപിടിച്ച്‌ രംഗത്തുള്ള സാമൂഹികവിരുദ്ധ ശക്തികളെ ഇരുപാര്‍ട്ടികളും കൈയൊഴിഞ്ഞെങ്കിലേ ഇടക്കിടെ നടക്കുന്ന സംഘര്‍ഷത്തിന്‌ പരിഹാരമാവുകയുള്ളൂവെന്ന്‌ സോളിഡാരിറ്റി സംസ്ഥാന നേതാക്കള്‍ വാര്‍ത്താ സമ്മേളനത്തില്‍ അറിയിച്ചു. ലീഗ്‌ നേതാക്കളായ സൂപ്പി നരിക്കാട്ടേരി, മുഹമ്മദ്‌ ബംഗ്ളത്ത്‌, എം.കെ.അഷ്‌റഫ്‌, സി.പി.എം.ഏരിയാ സെക്രട്ടറി പി.കെ. ബാലന്‍ മാസ്റ്റര്‍, വ്യാപാരി നേതാക്കളായ തേറത്ത്‌ കുഞ്ഞികൃഷ്ണന്‍ നമ്പ്യാര്‍, ഏരത്ത്‌ ഇഖ്ബാല്‍, കണ്ടേക്കല്‍ അബ്ബാസ്‌, എം.കുഞ്ഞബ്ദുള്ള മാസ്റ്റര്‍, തുടങ്ങിയവരുമായി നേതാക്കള്‍ ആശയവിനിമയം നടത്തി. നന്‍മയെ സ്നേഹിക്കുവരും ചുമതലാ ബോധമുള്ള പ്രസ്ഥാനങ്ങളും വ്യാപാരികളും ചേര്‍ന്ന്‌ സംഘര്‍ഷത്തിനും കലാപത്തിനുമെതിരെ ജനകീയ കൂട്ടായ്മ രൂപപ്പെടുത്തണം. സംഘര്‍ഷത്തില്‍ ഇരുപക്ഷത്തെയും തീവ്രവാദ സംഘടനകളുടെ പങ്ക്‌ തള്ളിക്കളയാന്‍ കഴിയില്ലെന്ന്‌ ചോദ്യത്തിന്‌ മറുപടിയായി നേതാക്കള്‍ വ്യക്തമാക്കി. കലാപമുക്തമായ നാദാപുരത്തിന്‌ വേണ്ടി മുഴുവന്‍ രാഷ്ട്രീയകക്ഷികളെയും സന്നദ്ധ സംഘടനകളെയും വിശ്വാസത്തിലെടുത്ത്‌ സോളിഡാരിറ്റി മുന്നിട്ടിറങ്ങി കൂട്ടായ്മ രൂപപ്പെടുത്തുമെന്ന്‌ നേതാക്കള്‍ വ്യക്തമാക്കി. സംസ്ഥാന പ്രസിഡണ്ട്‌ പി.മുജീബ്‌ റഹ്മാന്‍, സെക്രട്ടറി ടി.മുഹമ്മദ്‌ വേളം, ജില്ലാ പ്രസിഡണ്റ്റ്‌ കെ.വി അബ്ദു റസാഖ്‌ പാലേരി, ജമാഅത്തെ ഇസ്ളാമി പൊളിറ്റിക്കല്‍ സെക്രട്ടറി ഹമീദ്‌ വാണിമേല്‍, ഏരിയാ ഓര്‍ഗനൈസര്‍ സി.കെ.അബ്ദുല്ല മാസ്റ്റര്‍, സോളിഡാരിറ്റി മേഖലാ പ്രസിഡണ്ട്‌ യു.മൊയ്തു, ഏരിയാ പ്രസിഡണ്ട്‌ എം.സി.അബ്ദുല്‍ ഗഫൂറ്‍, ജില്ലാ പി.ആര്‍.സെക്രട്ടറി ഹസനുല്‍ബന്ന എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.
Subscribe to:
Comments (Atom)